Шәрбану Бейсенова – жазушы, халықаралық «Алаш» әдеби сыйлығының иегері, Қазақстанның еңбек сіңірген қайраткері.
1947 жылы 14 қазанда Шығыс Қазақстан облысы, Ұлан ауданында Талапкер ауылында туған. Ауылдағы жетіжылдық мектептен соң Өскемендегі Жамбыл атындағы мектеп интернатта оқып, күміс медальмен бітірген. 1965 жылы Қазақ Мемлекеттік Ұлттық Университетіне түсіп, 1969 жылы оны ойдағыдай аяқтаған.

    Шығармашылыққа жастайынан ден қойған. Алғашқы тырнақалды әңгімелері облыстық «Дидар» газетінде, «Қазақстан әйелдері» журналында тұрақты жарияланып тұрды. 1980 жылы «Қазақстан әйелдері» журналына бөлім меңгерушісі болып ауысып, ұзақ жыл істеді.

Читать полностью »

Нұрлыбек Баймұратов 1887 жылы желтоқсанда Бесқарағай ауданы Балапан деген жерде туған.

Нұрекеңе өлең он жасында дарыпты. Сол кездегі тәжірибелі Абайдың хатшысы болған ақын Ахметшәріп баланың бойында булығып шыға алмай тұрған өнердің барын бірден байқайды. Баланы бір айдай қасына ертіп, білгенін үйретеді, ақындық жолға баулиды.

Алғашқы ұстазынан осылай тәлім алған ақын 15 жасынан ақындық жолын ұстана бастайды. Нұрлыбектің балалық, жастық шағы жетімдік, жоқшылық құрсауында өтті. Соған мойымай домбыраны серік етіп, дархан еліне еркелеп өсті. Әр ақынның өзін танытатын бір кезеңі болады. 1922 жылы Семей қаласында ақын Иса Байзақовпен айтысады. Кезінде М. Әуезов бұл айтысты аса жоғары бағалаған.

Читать полностью »

Дидахмет Әшімханов Катонқарағай ауданы, Жаңа-үлгі ауылында 1950 жылы 10 маусымда дүниеге келген.
1978 жылы Әл-Фараби атындағы Қазақ Мемлекеттік университетінің журналистика факультетін бітірген.

«Коммунизм туы»  («Дидар»), «Лениншіл жас», «Қазақстан пионері»  тағы басқа газеттерде жұмыс істеді. 1994 жылдан еларалық «Түркістан» газетінде бас редактордың бірінші орынбасары болып істеді. 2003 жылдан «Алаш» баспасының директоры Дидахмет Әшімханов — көркем және публицистикалық шығармалардың авторы («Сары самауыр», «Ақ ниет», «Аққабаның толқыны», «Жер аңсаған сарыатан»).

Читать полностью »

Туған әдебиетіміздің әлеміне өзіндік өрнектерімен танымал, қырағы көздердің қиығына түсіп, дуалы ауыздардың тіліне оралған белгілі қалам қайраткерлерінің бірі — Есет Әукебаев.

Ол 1921 жылы желтоқсанда Шығыс Қазақстан облысы, Зайсан ауданы, Теректі селосында туған. 1942 жылдан КПСС мүшесі, СССР Журналистер одағының мүшесі.

1940 жылы Зайсанда қазақ орта мектебін бітіргенен кейін жұмысшы-шаруа Қызыл Армиясының қатарына шақырылып, одан 1944 жылы СССР Мемлекет хауіпсізді Комитетінің шекара әскерлеріне ауыстырылды.

Читать полностью »

Менің аңдауымша, бір кезде орыс мәдениетінің өсіп- өркендеуіне Пушкин әсері қандай болса, бүгінгі Орта Азиялық көркем ойдың, іргелес халықтарымыздың күллі рухани өмірінің қалыптасуына Әуезов әсері де дәл сондай болды.
( Шыңғыс Айтматов)

Читать полностью »

Қайдасың қаламдасым, қасыма ерген
Теңіздің тереңінен інжу терген.
От азу, орақ тілді ақын інім,
Жан едің жастайыңнан сөзге мерген,- деп Нұрлыбек Баймұратов жырлағандай, қазақ халық поэзиясының тарихында өзінің лайықты орны бар, ежелден өрелі өнерге бой ұрған, сан рет сайысқа түскен майталман ақын Тәңірберген Әміренов биыл 95 жасқа толып отыр.

Читать полностью »

Қазақ ССР-нің халық ақыны, суырып салма сөз шебері, айтыс жүлдегері Сапарғали Әлімбетов Жамбыл бастаған халық поэзиясы шеруінде ерекше көзге түсетін тұлғалы ақындардың бірі. Өзінің отты да өтімді, мазмұнды өлең-жырларымен, толғау-дастандарымен, айтыстарымен соңына мол мұра қалдырған талант иесі.

Читать полностью »